Artigo 2. Cartón Profesional da Construción para o Sector da Madeira e a Moble - Acreditación da formación.
1. O Cartón Profesional da Construción para o Sector da Madeira e o Moble é o documento expedido pola Fundación Laboral da Construción co obxectivo de acreditar, entre outros datos, a formación específica recibida do Sector da Madeira e o Moble polo traballador en materia de prevención de riscos laborais naquelas actividades e sectores da madeira e o moble que traballan en obras de construción.
Igualmente, acredítase con ela o grupo profesional do traballador e os períodos de ocupación nas distintas empresas nas que vaia exercendo a súa actividade.
2. O Cartón, que se expedirá de acordo co procedemento establecido nos artigos seguintes, sopórtase nun formato físico segundo o modelo que se estableza mediante o acordo correspondente entre a FLMM e a Fundación Laboral da Construción, así como nun sistema informático que permita ao seu titular acceder telemáticamente aos seus datos e obter certificacións dos mesmos.

Artigo 3. Funcións do Cartón profesional.
O Cartón Profesional da Construción para o Sector da Madeira e o Moble ten as seguintes funcións:
a) Acreditar que o seu titular recibiu polo menos a formación inicial en materia de prevención de riscos laborais naquelas actividades e sectores da Madeira e o Moble que traballan en obras de construción, de acordo co previsto no presente Acordo e na Lei 32/2006, de 18 de outubro, reguladora da subcontratación no Sector da Construción.
b) Acreditar o Grupo profesional do seu titular e a súa experiencia profesional.

c) Acreditar a formación de todo tipo recibida polo seu titular.
d) Facilitar o acceso do seu titular aos servizos da FLMM.